ਪੰਜਾਬ 'ਚ ਔਸਤ ਤਾਪਮਾਨ 5 ਡਿਗਰੀ ਘੱਟ, ਅਗਲੇ ਹਫਤੇ ਮੀਂਹ ਨਹੀਂ; ਮੌਸਮ ਰਹੇਗਾ ਸਧਾਰਣ
ਚੰਡੀਗੜ੍ਹ/ਲੁਧਿਆਣਾ: ਪੰਜਾਬ ਵਿੱਚ ਮੌਸਮ ਨੇ ਮੋੜ ਲੈ ਲਿਆ ਹੈ। ਅਕਤੂਬਰ ਦੀ ਆਮ ਤੌਰ 'ਤੇ ਹੋਣ ਵਾਲੀ ਗਰਮੀ ਇਸ ਵਾਰ ਘੱਟ ਰਹੀ ਹੈ। ਮੌਸਮ ਵਿਭਾਗ ਦੇ ਅਨੁਸਾਰ, ਪਿਛਲੇ ਕੁਝ ਦਿਨਾਂ 'ਚ ਰਾਜ ਦਾ ਔਸਤ ਤਾਪਮਾਨ 5 ਡਿਗਰੀ ਸੈਲਸੀਅਸ ਤੱਕ ਘਟ ਗਿਆ ਹੈ।
ਇਸ ਵੇਲੇ ਪਾਰਾ 32 ਡਿਗਰੀ ਸੈਲਸੀਅਸ ਦੇ ਆਸ-ਪਾਸ ਰਹਿ ਰਿਹਾ ਹੈ, ਜੋ ਕਿ ਅਕਤੂਬਰ ਦੇ ਮਿਆਰੀ ਤਾਪਮਾਨ ਨਾਲੋਂ ਥੋੜ੍ਹਾ ਘੱਟ ਹੈ। ਹਲਕੀਆਂ ਬਾਰਿਸ਼ਾਂ ਅਤੇ ਬਦਲਾਂ ਕਾਰਨ ਹਵਾ 'ਚ ਠੰਡਕ ਵਧ ਗਈ ਹੈ।
ਮੌਸਮ ਵਿਭਾਗ ਨੇ ਸਾਫ ਕੀਤਾ ਹੈ ਕਿ ਅਗਲੇ 7 ਦਿਨਾਂ ਤੱਕ ਪੰਜਾਬ 'ਚ ਮੀਂਹ ਦੀ ਕੋਈ ਸੰਭਾਵਨਾ ਨਹੀਂ ਹੈ, ਤੇ ਮੌਸਮ ਸਾਫ ਅਤੇ ਸਧਾਰਣ ਰਹੇਗਾ। ਇਸ ਕਾਰਨ ਲੋਕਾਂ ਨੂੰ ਦਿਨ ਦੇ ਸਮੇਂ ਹਲਕੀ ਗਰਮੀ ਅਤੇ ਰਾਤ ਨੂੰ ਸੁਹਾਵਣੀ ਠੰਡ ਮਹਿਸੂਸ ਹੋ ਰਹੀ ਹੈ।
ਕਿਸਾਨਾਂ ਲਈ ਵੀ ਇਹ ਮੌਸਮ ਫਿਲਹਾਲ ਅਨੁਕੂਲ ਹੈ, ਕਿਉਂਕਿ ਵੱਧ ਮੀਂਹ ਦੀ ਲੋੜ ਨਹੀਂ ਹੈ ਅਤੇ ਮਿੱਟੀ ਵਿੱਚ ਨਮੀ ਕਾਫੀ ਮਾਤਰਾ 'ਚ ਮੌਜੂਦ ਹੈ।
Posted By: Gurjeet Singh